काठमाडाैं, असाेज २५ । पछिल्लो २४ घण्टामा काठमाडौं उपत्यकामा १४१६ जना कोरोना संक्रमित थपिएका छन्। 

स्वास्थ्य तथा जनसंख्या मन्त्रालयका अनुसार काठमाडौंमा १ हजार १४५, ललितपुरमा १ सय ६१ र भक्तपुरमा १ सय १० जनालाई कोरोना संक्रमण देखिएको छ।

योसँगै काठमाडौंमा काेराेना संक्रमित संख्या ३३ हजार ७०६ पुगेको छ।  ललितपुरमा ४ हजार ६४९ र भक्तपुरमा  ३  हजार ४३४ कोरोना संक्रमित पुगेका छन्।

पछिल्लो २४ घण्टामा देशभर २०७१ जनामा कोरोना संक्रमण पुष्टि भएको छ। स्वास्थ्य मन्त्रालयका प्रवक्ता डा जागेश्वर गौतमले १२ हजार ४ सय २७ जनाको पिसिआर परीक्षण गर्दा २०७१ जनामा कोरोना संक्रमण पुष्टि भएको जानकारी दिए। याेसँगै कुल संक्रमित संख्या १ लाख ७ हजार ७५५ पुगेकाे छ।

पछिल्लो २४ घन्टामा १५५२ जना डिस्चार्ज भएका छन्। योसँग देशभर डिस्चार्ज हुनेको संख्या ७५ हजार ८ सय ४ पुगेको छ।

देशभर सक्रिय संक्रमितको संख्या ३१ हजार ३ सय १५ पुगेको मन्त्रालयले जनाएको छ।

Leave a Reply

This site uses Akismet to reduce spam. Learn how your comment data is processed.