काठमाडौं, असाेज १८ ।  अमेरिकाले कम्युनिस्ट पार्टीको सदस्यलाई आफ्नो देशमा स्थायी बसोबास अनुमति तथा नागरिकता नदिने नीति सार्वजनिक गरेको छ।

युएस सिटिजन एन्ड इमिग्रेसन सर्भिसेस (यूएससीआईएस) ले शुक्रबार यससम्बन्धी नीति ल्याएको बताएको छ।  जसमा भनिएको छ – सामान्य अवस्थामा आप्रवासी बन्न चाहने व्यक्ति कम्युनिस्ट वा अन्य कुनै अधिनायकवादी पार्टीको सदस्य छ भने अमेरिकाका लागि अमान्य हुनेछ।

यो व्यस्था तथा कानुनअनुसार अब कुनै पनि देशका कम्युनिस्ट पार्टीका सदस्यले अमेरिकामा पिआर तथा नागरिकता नपाउने निश्चित भएको हो। खासगरी चिनियाँ नागरिकलक्षित अमेरिकाले यो नियम ल्याएको हुन सक्ने बताइएको छ। सुरक्षा खतरालाई मध्यनजर गर्दै अमेरिकाले यस्तो नीति सार्वजनिक गरेको हो।

  यस कानुनले चिनियाँ कम्युनिष्ट पार्टीका सदस्यहरूलाई अमेरिकाको स्थायी बसोबास वा नागरिकता पाउनबाट प्रभावकारी रूपमा रोक्नेछ र विश्वको दुई ठूला अर्थतन्त्रहरूको बीचमा विस्तार भइरहेको विचारधाराको अन्तरलाई अझ मजबुत बनाउँछ, तर जसले जनता–जनताको आदानप्रदानलाई क्षति पुर्‍याएको कतिपयले विष्णेषण गरेका छन्। 

यो नियममा ९० लाख सदस्य भएको चिनियाँ कम्युनिष्ट पार्टीको नाम उल्लेख गरिएको छैन तर यसले बेइजिङर वाशिंगटनको बीचमा चलिरहेको प्रतिस्पर्धालाई नयाँ आयाम थपेको कुटनीतिज्ञहरुले बताएका छन्। 

Leave a Reply

This site uses Akismet to reduce spam. Learn how your comment data is processed.