एजेन्सी, असाेज ४ । इंग्लिस प्रिमियर लिग फुटबलमा एभर्टनले लगातार दोस्रो जित हात पारेको छ ।

शनिबार भएको खेलमा वेस्ट ब्रोमविचलाई ५-२ गोल अन्तरले पराजित गर्दै एभर्टनले लगातार दोस्रो जित निकालेको हो ।

प्रिमियर लिगको यो सिजनमा ह्याट्रिक गर्ने दोस्रो खेलाडी बनेका लेविनले ३१, ६२ र ६६औं मिनेटमा गोल गर्दै ह्याट्रिक पूरा गरे ।

अरू २ गोल एभर्टनका लागि ह्यामेस रोड्रिग्वेजले ४५औं र मिचेल केआनले ५४औं मिनेटमा गोल गरेका थिए ।

खेल १०औं मिनेटमा ब्रोमविचका ग्रान्ड डिआगाले गोल गर्दै टिमलाई अग्रता दिलाएका थिए । तर, अग्रता जोगान नसक्दा पहिलो हाफमा २–१ गोल अन्तरले पछि परेको थियो ।

दोस्रो हाफको दोस्रो मिनेट अर्थात् ४७औं मिनेटमा माथ्युस पियरेराले गोल गर्दै २–२ गोल बराबरी भएको थियो । पछि एभर्टनका काल्भर्टले उत्कृष्ट प्रदर्शन दिँदा ब्रोमविच ५–२ गोल अन्तरले पराजित भएको हो ।

लगातार दुई खेल जितेको एभर्टन ६ अंकसहित शीर्ष स्थानमा छ भने ब्रोमविचले अंक जोड्न सकेको छैन ।

Leave a Reply

This site uses Akismet to reduce spam. Learn how your comment data is processed.