एजेन्सी, असाेज २ । विश्व फुटबलको सर्वोच्च निकाय (फिफा) को साधारणसभा बैठक (कंग्रेस) आज हुँदै छ ।

फिफाले ७०औँ साधारण सभा आज गर्न लागेको हो । कोरोना भाइरसको महामारीका कारण फिफाले पहिलोपटक साधारणसभा ‘भर्चुअल’ रुपमा सञ्चालन गर्न लागेको हो ।

फिफाका सदस्य राष्ट्रका प्रतिनिधिका रुपमा रहेको नेपालबाट साधारणसभामा एन्फा अध्यक्ष कर्माछिरिङ शेर्पासहित, उपाध्यक्ष कृष्ण थापा र रवीन्द्र जोशी सहभागी हुनेछ । साधारणसभा नेपाली समयअनुसार साँझ पौने ७ बजे सुरु हुनेछ ।

साधारणसभामा विभिन्‍न रिपोर्ट पेस गर्नेसहित विधान संशोधन, बजेटलगायतका एजेन्डा तय गरिएका छन् ।

Leave a Reply

This site uses Akismet to reduce spam. Learn how your comment data is processed.